创建博客 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

connine24

回忆芭堤雅的海滩.回味菲律宾的鲍鱼.回想下龙湾的美态!沙巴日落超靓!吴哥你等我

 
 
 

日志

 
 

09年不一樣的沙巴17天勁食勁歎之旅(短片編)全卷完多相  

2010-10-21 08:51:40|  分类: 2010年沙巴攻略 |  标签: |举报 |字号 订阅

我的沙巴十七天行程表
09年不一樣的沙巴17天勁食勁歎之旅更新(第四天) http://www.e-sabah.com/viewthread.php?tid=35595&extra=page%3D&page=2
09年不一樣的沙巴17天勁食勁歎之旅更新(第五、六天)   http://www.e-sabah.com/viewthread.php?tid=35595&extra=page%3D&page=3
09年不一樣的沙巴17天勁食勁歎之旅更新(第七天)斗湖購物 及酒店編  http://www.e-sabah.com/thread-35595-4-1.html
09年不一樣的沙巴17天勁食勁歎之旅更新(第八、九、十、十一天)KK五大民族編  http://www.e-sabah.com/viewthread.php?tid=35595&pid=204320&page=5&extra=page%3D#pid204320
09年不一樣的沙巴17天勁食勁歎之旅更新(第十二、十三天)KK http://www.e-sabah.com/viewthread.php?tid=35595&pid=207763&page=6&extra=page%3D
09年不一樣的沙巴17天勁食勁歎之旅(第十四天)美人魚島  http://www.e-sabah.com/viewthread.php?tid=35595&pid=208662&page=7&extra=page%3D
09年不一樣的沙巴17天勁食勁歎之旅(第十五天)夢幻島、Shangri-la Rasa Ria酒店編  http://www.e-sabah.com/thread-35595-9-1.html   
09年不一樣的沙巴17天勁食勁歎之旅(第十六天)Shangri-la Rasa Ria酒店、旋轉餐廳編  http://www.e-sabah.com/viewthread.php?tid=35595&pid=212283&page=10&extra=page%3D#pid212283
09年不一樣的沙巴17天勁食勁歎之旅(第十六天)Shangri-La's Tanjung Aru酒店編 http://www.e-sabah.com/thread-35595-11-1.html
09年不一樣的沙巴17天勁食勁歎之旅(第十七天)Shangri-La's Tanjung Aru早餐、likassquare Apartment酒店、The Palace Hote、KAMA'A Spa、手信編
http://www.e-sabah.com/thread-35595-12-1.html
09年不一樣的沙巴17天勁食勁歎之旅(短片編) http://www.e-sabah.com/thread-35595-14-1.html
大家跟local-tour記得幫襯些有印有蓋章收據公司,如果係既話萬一發生問題及意外係好難追究的,本身購買旅遊保亦很大機會不受理的。
首先要多謝沙巴的網友,在這半年幫了我很多忙及資料,亦要特別多謝心兒借了架私家車俾我們用左咁多日.
亦要多謝完美旅行社,因他們容忍我不段的更換行程及酒店,亦不段麻煩地追問他們的問題,亦提供很多食野的地方給我們,在這裡再次多謝大家能完成我這次的完美假期.
18-1-09:香港>沙巴>珍珠海鮮晚餐>富源茶室宵夜>The Palace Hotel
19-1-09:零晨4點去漁市場買海鮮>,印度薄餐>憶香茶餐室>海旺嘁茶室>富源茶室>晚上bbq開大餐>The Palace Hotel
20-1-09:搭飛機到斗湖>Heritage Hotel>>
金陵海鮮大排檔>酒店
21-1-09:酒店>仙本那>Seafest Hotel >馬布島>詩巴丹島浮潛>天旺海鮮晚餐>酒店
22-1-09:酒店>馬布島體驗潛水>仙本那華人聯歡晚會>酒店
23-1-09:馬達京島Mataking Island 住一晚
24-1-09:仙本那>斗湖>金陵海鮮大排檔>斗湖機場>亞庇>發記餐廳宵夜>Apartment酒店
25-1-09:印度薄餐>五大民族村>giant大型超市>雙天海鮮檔>Apartment酒店
26-1-09:漁市場>香香板麵>Apartment酒店自家制火鍋
27-1-09:意大利餐廳>富麗華下午茶>雙天海鮮檔晚餐>Apartment酒店
28-1-09:跟完美假期購物及食野團>螢火虫餐廳午飯>燕窩專門店有7折>貴都海鮮樓晚飯>Apartment酒店
29-1-09:>李黃海鮮樓午餐>私房燕窩莊>記得來食堂晚飯>The Palace Hotel
30-1-09:默迪卡購物中心>韓國餐廳午餐>紅樹林螢火虫半日遊>The Place酒吧宵夜>The Palace Hotel
31-1-09:Mantanani美人魚島一日遊>娘惹全豬宴>
gayana-eco-resort酒店
1-2-09:gayana酒店午餐>Shangri-la Rasa Ria 5星酒店>洒店自助晚餐
2-2-09:Rasa Ria早餐>旋轉餐廳午餐>KAMA'A按摩>螢火虫餐廳晚飯>Shangri-La's Tanjung Aru5星酒店>
3-2-09:回港

 

(Day 1) 26/02-機場>富源>海王城>ThePlace宵夜>LIKAS SQUARE

(Day 2) 27/02-(
隆美)東星魚旦麵早餐>萬利公司(私人燕窩莊)>家鄉牛什午餐>NEXUS POOL VILLA酒店>新佳雅鮮餐廳睌餐>酒店

(Day 3) 28/02-酒店>李黃記海鮮>Centr POINT商場>菲律賓市場> TOSCANI`S意大利餐廳>發記茶餐室宵夜> LIKASSQUARE

(Day 4) 01/03-
神山攻頂> 2D1NVia Ferrata Walk The Torq / Mesilau Naturebbq

(Day5) 02/03-神山山腳>桂冠餐廳沙嗲/啊三叻沙湯底火鍋>東方按摩>LIKAS SQUARE

(Day 6) 03/03-KK
機場/ 山打根/睇長鼻猴Labuk Bay >森森海上風味勁食海鮮大餐>SWISS-INN Hotel>市內觀光>海上皇餐廳晚廳>酒店

(Day 7) 04/03-Selingan Island(海龜島)

(Day 8) 05/03-
海龜島>Lankayan 朗 卡央島體驗潛水/浮潛

(Day 9) 06/03-山打根>南財肉骨茶早餐>新民興牛屎撻>九記午餐>老細茶餐廳>機場>KK>夢幻島


(Day 10) 07/03-
夢幻島>忘憂島>朱古力店買手信>私房菜紅燒魚唇,炒魚漂, 鯊魚骨晚餐>Imperial酒店

(Day 11) 08/03-回港


https://book.malaysiaairlines.com/itd/itd 馬航
http://www.airasia.com/site/ch/tc/home.jsp  搭內陸機是亞州航空
http://www.seafesthotel.com/   仙本那镇上好最好的酒店
http://www.heritagehotel.com.my     斗湖Heritage Hotel
http://likassquare.com.my/   Apartment酒店
http://www.marinacourt-sabah.com/KK Apartment
http://www.suterasanctuarylodges.com/ 神山酒店
http://www.sipadanbackpackers.com/index.htm馬布 mabul island resort
http://www.sipadanbackpackers.com/index.htm 潛水、出島浮潛都是這間
http://www.mataking.com/default.php 馬達京島
http://www.suteraharbour.com/ 酒店
www.shangri-la.com 酒店
http://www.gayana-eco-resort.com/index.php KK水上屋酒店
http://www.kmtglobalrentacar.com/ 租車的網址
http://www.e-erac-online.com/carrental.ASP 租車的網址
  

今日十一點就到達機場,去了潮流飲茶,飲到下午二點鐘就辦好登機手續,飛機準時三點半起飛,六點半就到達亞庇新機埸,LOCALTOUR有職員來接機,我們第一站去了找換店唱馬幣,但發覺個匯率無香港百年好,第二站就去酒店CHECK|N,我們住四樓間房幾大同很簡潔,百幾蚊馬幣來講真係好抵住,酒店離雙天亦不遠,第三站去了珍珠海鮮酒家晚飯,我們一行十個人叫了虎蝦刺身四隻,非常彈牙及鮮甜,另點了奶油虎蝦八隻,D奶油味道做得非常好拿來撈飯簡直一流,白灼跳螺很鮮超正,獅蚶炒貴勺很野味,竹筒麻辣牛肉及牛筋很難食,竹筒雞味道可以但雞肉好(鞋),清蒸野生筍殼魚必食推介,魚肉很滑又少魚骨,野生七星班刺身,肉身很爽很鮮,但可惜冰溶得太快,魚頭及魚骨拿去煲酸菜豆腐湯很好飲,豉椒炒鹿肉還可以,蒜蓉蒸元貝好厚肉唔會老,豉椒炒黃鱔無骨淡淡肉正呀,馬拉盞炒薯仔菜食落好爽囗,桔仔冰亦有兩款,一款係普通的,另一款係把桔仔攪碎但很酸,都係原味好飲些,十三味菜埋單共8XX馬幣抵食呀.







竹筒麻辣牛肉及牛筋很難食,竹筒雞味道可以但雞肉好鞋)

跟住再出發去富源食Ka ya麵包同拉茶,真係掛住了好耐了,麵包同樣很軟熟,多士焊得很脆好好好味呀,最後還試了個耶漿飯,個味道好似喇沙幾得意,然後就回酒店休息了.

今早四點鐘就出發到漁市場,估唔到沙巴物價真係升到嚇死人,買兩條魚都要三十五馬幣,四隻海螺開價四十馬幣,我們最後講價到二十五馬幣,所以唔講價就笨喇,跟住就去左食印度薄餐,叫左四份簿餐加拉茶,薄餐個咖哩醬汁好香又唔辣,埋單都只係九個九馬幣勁平呀。


然後回酒店訓到九點半起身,出發去食牛什,這間牛什很出名的,仲有電視台訪問過的,店名叫憶香茶餐室,我就點了招牌牛什麵,裡面材料很豐富的,有牛肚、牛肉及牛筋好(淋)、牛丸彈牙、牛柏葉,最重要係個湯底夠濃,呢餐又係平靚正的.

食飽後再出發去NOVOTEL酒店隔離個新商場行,商場無乜野睇又遠離市中心,都幾遠下同經常塞車.




行完商場後就出發去海旺城茶室食午飯,我們點了冬陰公魚什湯、炆龍躉頭和腩位、粉絲蝦煲、干撈麵、魚什湯、蘇眉魚腩湯,埋單三百六十蚊馬幣。
先講下個粉絲蝦煲,炒得好入味但可惜蝦唔夠彈牙,魚什湯好鮮,d魚麵真材實料很濃魚味,但魚旦唔夠爽囗可惜左小小,個冬陰公係沙巴煮法很一般,個蘇眉魚腩食落很重魚油的香味又夠厚肉,龍躉用這種煮真係幾得意,味道比想象中好很多,加上龍躉皮又厚又入味真係好食。

食飽飽後就去超市掃飲品及燒烤食物,然後再去富源歎下午茶,我們初時只係點了普通的Kaya麵包,個老闆話原來係加了班蘭葉的Kaya,但不做堂食的,食完後見到老闆就傾了幾句,我話兩年前見過有人堂食過,老闆就話無但就認得出我地,所以特地叫職員整俾我們食,真係好開心呀,終於都賞試到,個味道亦無令我們失望到。

跟住再回家準備bbq的食物,豉油煎大老虎蝦和蒜蓉蒸,d老虎蝦雖然係急凍的,但都很彈牙架,還有燒魚、臘腸糯米飯、四隻响螺煲雞真係鮮甜到唔知講乜好了,不過今晚落大雨.好彩都無影響到,食飽後老婆和師兄去了拔罐同按摩,之後再去食粥,然後回酒店休息。

今早五點半起床,梳洗完就落大堂CHECK OUT,LOCAL TOUR準時六點有車來接送到機場,飛機七點起飛唔洗一小時就到達了,我們再搭的士到酒店,車程三十五分鐘車費四十五馬幣.



CHECK lN手續完之後就周圍走走及去左KFC食一個三十六蚊馬幣的套餐.

然後就回酒休息,兩點幾再去歎個下午茶,跟住去萬寧、屈臣士、百貨公司勁掃貨,請留意手信編,跟住去買生果.

再去金陵海鮮大排檔食晚飯,我們點了上湯龍蝦、清蒸蘇眉、白灼跳螺、椒鹽琵琶蝦、馬拉盞炒通菜、蒜蓉炒通菜、田雞粥、豆腐花、埋單二百六十八馬幣,超抵食啊。



首先要讚alan wong呢位餐廳伙記,非常熱情,個上湯龍蝦啖啖肉可惜湯太多湯,清蒸蘇眉超滑、白灼跳螺很大隻同鮮甜、椒鹽琵琶蝦很野味,真係龍蝦的肉質草蝦的價錢,田雞粥超級推介,鮮甜到不得了啊,餐餐咁食法真係唔肥就有鬼啊,下午已經飲左兩包以羅了hahahaa,跟住回酒店食生果同訓覺。

今日一早六點退房後,就約好左uncle chang潛水公司的職員來接我們去仙本那,收費每人數40馬幣,車程大概2個小時,到達後先到海豐酒店辦入住手續,之後就出發去詩巴丹島,大約需時四十五分鐘,到達馬布島先食個早餐,再乘半小時船程到詩巴丹島,個島好靚好多魚,可惜d浪比較大. 但我們只是在碼頭浮潛已經見到好勁多魚,d水清晰到不得了,仲見到好大條蘇眉,玩到下午三點幾就回程返馬布島,再回仙本那碼頭,建議去島玩的話最好自己帶食物去食,因潛水公司提供的都幾差。 晚餐就去左天旺海鮮飯店食飯,我們點了蒜蓉炒通菜,豉椒炒八爪螺,醬油雞半隻,豆豉蒸倉魚,鹹酸菜豆腐魚頭湯,蠔油生菜,味道一般,不過埋單85馬幣都算平,仙本那係個幾細既市鎮,好快就行晒。
今日食過早餐後就出發去馬布島玩體驗潛水,可能昨日我身體被曬傷了,所以成個人都唔舒服,我同阿文等到12點先去潛水,潛點只離馬布不遠,轉個彎到,個教練係識講廣東話的,同埋潛水比我想像中容易,雖然水質比較濁.但都好開心見到四隻海龜,但好可惜第一次下水冇帶到相機,好失敗呀,大約潛了半小時就回程返馬布食午餐.

下午2點再出發去上次潛點附近,今次一下水就見到滿地都係海星,一隻好大隻既海龜,今次仲可以同牠一齊影返張相添.
呢次潛了差唔多一小時很滿足很多野睇,4點幾就回程言仙本那碼頭了,回到酒店先冲返個凉,跟住就出發去中華商會舉辦的聯歡晚宴.


  评论这张
 
阅读(592)| 评论(1)
推荐 转载

历史上的今天

最近读者

热度

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2014